Labis na nagpapasalamat ang puso ni Priya dahil sa pagdating ni Lena.
Tinulungan siya nito upang maging ligtas siya.
Mas lalo lamang naiyak si Priya dahil hindi niya akalain na may tao pa rin pa lang magtatanggol sa kaniya.
Ang tagal na niyang hindi nararamdaman ang ganitong pakiramdam.
Ang pakiramdam na parang hinaplos ang puso niya dahil meron siyang kasangga.
Napahawak si Miguel sa ulo niya ngayon dahil sa sakit ng ginawang pagpukpok ni Lena.
Mabigat at malaki ang rice cooker na hinampas ni Lena sa ulo niya kaya nakaramdam siya ng pagkahilo.
Ngunit dahil babae ang humampas sa kaniya, nakabawi rin siya kaagad mula sa pagkakahilo dahil hindi masyadong naging malakas ang epekto nang hampas nito.
Kaya nagmamadaling tinakbo ni Priya ang pintuan papalabas ng kusina kasama si Le
