MIKEE:
NANGINGINIG ANG MGA kamay na dinampot ko ang papel na patuloy sa pagragasa ang luha ko. Inaasahan ko na ito. Na darating ang araw na babawiin sa akin ni Alp ang apelyedo niya at sa ibang babae ipagkakaloob. At hindi na nakakapagtaka na si Scarlet ang babaeng 'yon. Napatakip ako ng palad sa bibig na hindi na mapigilang mapahagulhol. Para akong sinasaksak sa puso. Dama ko ang pagod ko sa katawan magmula nang umalis si Alp at nagtyaga akong araw-araw, gabi-gabi na naghihimtay sa pagdating nito. Napasalampak ako ng sahig na nayakap ang sarili. Walang ibang magawa kundi ang umiyak na lamang. Dahil ano ba naman ang laban ko? Sino ba ako? Hindi ako ang karapat-dapat sa kanya. Alam ko 'yon. Pero nadudurog pa rin ang puso sa kaisipan sa bagay na 'yon.
Nangilid ang luha ko na mapatitig sa l
