MIKEE:
LUMIPAS ANG mga araw na dito na nga umuuwi si Alp. Pero parang wala lang ako sa paningin niya. Na tila hindi ako nag-e-exist sa paningin niya. Kahit nga ang tikman ang mga inihahanda kong agahan nito ay hindi ginagalaw. Kusa na rin akong naglipat ng gamit ko sa kabilang silid dahil gabi-gabi din naman kasi siyang nag-uuwi ng babae. Paiba-iba at lahat puro mga supistikada. Hindi na lamang ako umangal o nakikialam. Kahit nga ang tapunan niya ako ng tingin ay hindi niya magawa.
Hindi ko alam kung galit pa rin siya sa nangyari kay Scarlet kaya siya ganon sa akin. Pero hindi naman niya ako kinukompronta o pinapalayas dito. Bagay na iniintindi ko na lang at hinihintay itong kibuan ako.
Isang umaga habang naglilinis ako ng silid ni Alp kung saan nagkalat na naman ang mga gamit nito ma
