ALP :
NAPASABUNOT AKO sa ulo na mabungarang napakatahimik ng bahay. Tumuloy ako ng kusina na lalong ikinakunot ng noo kong makitang walang nakahain sa mesa katulad ng nakasanayan ko. Malalaki ang hakbang ko na nagtungo ng silid ni Mikay at halos hibain ko ang pinto nito sa lakas ng pagkalampag ko.
"Mikay!?" mariin akong napapikit. Magmula nang dumating ako ay ngayon ko lang ito makakausap na sinasadya kong iwasan at hindi imikan.
"Mikay?!" napakunotnoo ako. Napakatahimik ng silid nitong ikinabundol ng kaba sa dibdib ko.
Nangangatal ang kamay kong pinihit ang pinto at nakahingang maluwag na hindi naka-lock. Kaagad akong pumasok na natigilan sa mabungaran. Napakagulo ng silid nitong sira-sira ang mga gamit. Nagkalat ang mga ito sa sahig na dinaig pa ang dinaanan ng bagyo!
Napaawang ang
