CHAPTER 44
Hindi ko alam na ganoon kabilis si Ken. Dahil sa takot na bumagsak ako sa putikan at mahila niya at magkasugat-sugat, kailangan kong sabayan ang bilis niya. Kahit may mga pagkakataong halos masubsob na ako pero kinakaya ko. Alam kong medyo binagalan niya ang takbo pero para sa akin, mabilis at malalaki pa rin ang kanyang mga hakbang. Kailangan kong ibuhos ang lahat ng lakas at bilis ko. Nandito na’ to. Pumayag na ako kaya kahit anong ipagawa pa sa akin ni Ken hindi na ako aatras pa, hindi ako susuko! Nakita ko siya, mas mabilis pang tumakbo sa pagtakbo sa kahit sinong kakilala ko kaya napapaisip ako kung tao pa ba siya?
Nang nakarating na kami sa kung saan kami galing kanina ay hapong-hapo ako at sunud-sunod na malalalim na pagbunot ng hininga habang hawak ko pa ang aking di
