CHAPTER 45
“Sige na mahal ko. Doon ka na muna at sabihin mo si Nilo na lumapit na sa akin dahil siya naman ang ite-train ko.”
“Ano? Pati kapatid ko, i-train mo rin?”
“Kailangan. Kung pwede nga sana kayong lahat eh.”
“Alam na ba ng mga magulang ko?”
“Alam nilang lahat kaya hindi mo na kailangan pang sabihin sa kanila. Hindi pwedeng itago sa kanila ang lahat. Kailangan handa sila sa maaring mangyari. Hindi pwedeng mabibigla na lang sila na may ganito palang isyu.”
“Anong sinabi ni Tatang at Nanang?”
“Wala na raw tayong magagawa pa kundi paghandaan. Kaya nga si Nilo, pinasama rin ni Tatang para ma-train ko. Pasensiya na, alam kong nangyayari ang lahat ng ito dahil sa akin. Babawi ako mahal. Hindi kita pwedeng pabayaan at ang iyong pamilya. Kaya sige na. Uminom kang tubig at magpahinga
