CHAPTER 43
Habang hinihintay namin ang aming kasal, nagsimula si Ken na i-train ako sa paghawak ng b***l. Natatakot akong humawak at hindi ko alam na ganoon kabigat pero para kay Ken, kailangan kong gawin ang lahat ng iniuutos niya sa akin.
“Okey, let’s start. Alam kong mahihirapan ka, mahal. Alam kong may pagkakataong masaktan ka at hindi mo maintindihan kung bakit mo ginagawa ang lahat ng ito ngunit kailangan kitang maturuan kasi hindi sa lahat ng panahon, kasama mo ako. Hindi lahat ng sandali maililigtas kita. Kailangan mong iligtas ang sarili mo. Kailangan mong matutunang lumaban dahil hindi basta-basta si Kate. Alam ko, mahihirapan kang tapatan ang alam niya ngunit mainam nang may alam ka kaysa sa wala.” Tinignan niya ang kanyang orasan. Nakita kong napatitig din siya sa akin. Humi
