CHAPTER 76
Hindi ako nakilala nina Tatang, Nanang at mga kapatid kong kahit katabi na nila ako ay hindi pa rin nila ako nakikilala. Si Tatang ang unang nakapansin sa akin nang tinitigan niya ako sa mata. Binulungan niya muna si Nanang at tumingin sa akin si Nanang at tinignan niya ako sa aking mata, doon na ako tuluyang bumigay. Niyakap ko agad ang mga kinasabikan kong pamilya. Ang pamilya kong hindi na naging malaya pa at nagtatago.
“Tama nga ang sinabi sa amin ni Sir Dale n a nagbago na ang iyong anyo,” sabi ni Tatang pagkatapos ko silang niyakap. Sinabayan niya ng buntong hininga ang sinabi niyang iyon sa akin. Hindi ko alam kung anong ibig sabihin ng buntong-hiningang iyon. “Huwag kang mag-alala anak, naintindihan ko. Hindi mo na kailangan pang magpaliwanag,” pamimigil niya sa akin
