CHAPTER 75
Nagpalakas ako. Hindi lamang sa pisikal kundi pati ang estado ng aking utak at estado ng buhay. Napakahirap para sa akin na iwaglit pansamantala ang anak kong si Nadine at asawa kong si Ken ngunit iyon ang kailangan ko munang gawin. Tama si Sir Dale, hindi pwedeng sugod lang ako nang sugod. Hindi pwedeng laban lang nang laban kahit alam ko namang wala akong kalaban-laban. Susugod ako kung kailan ako’y handang-handa na. Yung pagsugod na alam kong akin na ang panalo. Alamin ko dapat kung kailan ako susugod.
Hindi ko man gustong umalis ngunit kailangan. Dinala ako ni Dale sa America para magtapos na ng aking pag-aaral. Gusto niyang wala akong inaalala, wala akong dapat kinatatakutan habang nag-aaral. Dapat ang focus ko lang ay pagpapabuti ng antas ng aking kabuuan. Gusto ni Sir
