CHAPTER 58
“Ibaba ninyo ang mga b***l ninyo. Kung ayaw ninyong pasabugin ang bungo nito!” singhal ni Ken sa mga tao ni Kate na noon ay mabilis ding nagsibunot ng b***l nang makita nila si Ken na buhay.
“Ano na? Narinig naman ninyo ang sinabi ni Ken, hindi ba? Ibaba raw ninyo ang mga b***l ninyo.”
“Pero boss!”
“Sige na, sumunod na lang kayo sa kanya!” sigaw ni Kate sa kanyang mga tauhan. Bantulot na sumunod rin naman ang mga ito.
“Okey. Hayan. Nakababa na ang mga b***l namin. Sige na, Ken. Bumaba ka na riyan at mag-usap tayo nang masinsinan. Hindi na kami lalaban kaya huwag mong saktan ang hawak mong tauhan ko.”
“Hindi! Hindi ganoon kadali. Kilala kita, Kate. Alam ko kung paano maglaro ang utak mo. Kalagan ninyo ang asawa ko at ibigay ninyo siya sa akin. Ihatid ninyo siya sa akin at
