Nakisiksik kami ni Princess Charlot sa mga taong nakikiusyoso. 7 am na ngayon, nasa taniman na si Tatay Lito, si Nanay Charlie naman ay nasa mansion na.
Nagwawalis na kami sa bakuran nang makita namin ang mga kapitbahay na nagmamadaling tumakbo palabas ng kanilang mga bahay.
Ako ang unang nagbato ng walis tingting, para makiusyoso. Itong si Princess Charlot ay kinailangan pang bumalik sa kubo para lang magsuot ng bra n'ya.
Nang makarating kami sa unahan ay napasinghap ako.
Ganito nila ipakita ang authority nila? Pagkatapos patayin ay inilalagay sa puno ng manga at itatali roon.
Ngayon, may isang lalaking duguan. Halatang wala ng buhay. May nakasabit pang karatula sa leeg nito.
"Magnanakaw ako. Huwag tularan." Basa ko sa nakasulat.
"Diyos ko. Ano namang ninakaw ni Sindro?" tan
