"Tingin mo ba'y isa sa kaibigan ko ang may gawa nito? Baka ang pamilya ni Florito? Sa tingin mo ba'y pinaghihinalaan nila ako?"
"Silas, bakit ka naman nila paghihinalaan? Mabuting tao ka. Hindi mo nga alam kung ano talaga ang nangyari, eh." Marahang hinaplos ni mama ang balikat ni papa. Nasa garden sila, kauuwi ko lang. Hindi kami nagkita ni Hunter, busy pa siya sa school. Absent din si Hea. Mukhang hindi pa rin maayos ang kalagayan ni Tito Florito.
"Baka dahil kalaban ako sa negosyo no'ng taong kikitain n'ya?"
"Sandali nga... paano mo ba nalalaman ang mga iyan? Paano mo nalaman na makikipagkita si Florito roon sa kalaban mo sa negosyo?"
"May tauhan ako sa grupo ng kalaban ko, Cora. Kung hindi ako magpapain ng spy, tiyak na paulit-ulit na akong maiisahan ng mga kalaban ko. Kaya alam
