Bukas na darating iyong mga bisita ng mga Salazar. Kahit kauuwi lang namin kaninang umaga ay muli kaming inanyayahan para tumulong ulit sa paghahanda.
Ngayon ito kami ni Princess Charlot, nagbabalat ng sibuyas habang nakikinig ng radyo.
"Isang sikat na negosyante at haciendero sa bayan ng Apolina. Inerereklamo dahil sa kalupitan, at sa pagpatay ng kanyang mga tauhan. Narito sa ating tanggapan ang isa sa 'di umano'y dating tauhan ni Darrius Salazar. Hindi na muna natin papangalanan para na rin sa kanyang kaligtasan. Maaari pong isalaysay ninyo sa amin ang naranasan n'yo sa kamay ni Darrius Salazar?
Nahinto na kami sa pagbabalat ng sibuyas. Dahil napansin ko ang Senior na kapapasok ng kusina ay agad kong kinawayan ito at pinalapit.
"Pakinggan n'yo, sir! Narinig ko po ang pangalan n'y
