Maayos naman ang silid na pinagdalhan sa akin. Solo ko, may kama, cabinet, sariling banyo, at working table.
"Ayos na ba sa 'yo ito?" tanong ni Caramela.
"Oo naman. Salamat."
"Iiwan muna kita, medyo hulas na ang foundation mo. Baka kailangan mo ulit mag-apply." Pabiro n'yang sinabi iyon, pero alam kong seryoso naman siya.
"Sige. Baka 35 na lang ang natira. 50 na pahid kasi ang kailangan para ma-reach ko ang ganitong level."
"A-hh!" napangiwi ang babae. Weird na siguro ang tingin nito sa akin. "Sige, labas na muna ako." Kumaway pa ito. Ako naman ay nagbukas na ng maleta. Kinuha ang mahigit bente na foundation at inilagay iyon sa table. Nagbukas ako ng isang panibago at nagpahid sa mukha.
Napabuntonghininga ako. Ang sagwa. Mukha nga talagang bangkay. Dahil pati labi ko'y may foun
