"This is the last thing that he wanted huh?"
Alexander gritted his teeth.
Muling pinasadahan ang bahagi ng testamento kung saan nakasaad ang kahilingan ng ama.
"To baby sit his child." Naikuyom niya ang mga palad at pahagis na binitawan ang ilang pahina ng kasulatan sa lamesa.
"Are there options we can do about it, Lance?" Baling ni Alexander sa kaibigan.
Kasalukuyan silang nasa opisina ng ama at nire-repaso ang will na iniwan ni Don Manolo. Humarap si Lance kay Alexander. Inayos ang salamin sa mata at nagde-kuwatro.
"Afraid so Xander, but the will is authentic," mariing sagot ni Lance.
"Wala akong makitang butas na maaaaring magamit upang mabago ang nilalaman nito," paliwanag pa nito.
"Isa pa, iyan ang pinakamahalagang bagay na ipinakikiusap ng iyong ama na kailangan mong sundin,"
