Humigit kumulang sa dalawang oras na nilang binabagtas ni Dmitri ang kahabaan ng kalsada, ang hinuha ni Rose.Kasunod ng biglaang pag atake ng pangkat nila Horan sa barrio.
Agad na naghanda ang lalaki sa pag-alis pagkatapos. Ni hindi man lamang niya ito kinakitaan na ininda ang mga tama at galos nito sa katawan. Nagkaron ito ng malaking sugat sa ulo dala ng mga ginawang paghampas ni Horan. Subalit ay tinalian lamang iyon ng bandana ni Dimitri upang maitago at maampat ang pagdurugo. At siya ang labis na nag-aalala para sa kalagayan ng binata.
Bitbit ang isang may kalakihang bag na itim na sa hula niya ay pawang mga armas nito ang laman ay agad na silang tumulak paalis. Dalawang bayan na ang nadaanan nila ngunit mukhang walang balak na huminto ang lalaki. Nagpatuloy ang kanilang byahe. Ang
