CHARMAINE
"Umalis ka na rito bago ka pa niya masaktan, Charmaine. Hindi ka dapat nagpupunta sa ganitong lugar," pakiusap niya sa akin. Kung nasisilayan ko lang ang mukha ni mama ngayon, sigurado akong puno na ng umaaligid na luha ang kanyang mga mata.
"Papa? Si Papa, nasaan? Nasaan si Papa?" paulit-ulit na tanong ko bilang paghahanap sa aking ama. Kanina ko pa hindi naririnig ang boses niya. Sa gitna naman ng aking paghahanap kay papa ay bigla na lang akong nasilaw sa liwanag na tumama sa mga mata ko. Hindi naman iyon literal na sa mata ko lang nakadirekta dahil isa iyong bumbilya na kasisindi lamang. Mukhang napag-isipan na rin nung lalaking iyon na buksan na ang mga ilaw sa buong bahay na ‘to. Agad kong nilibot ang paningin ko upang hanapin si papa at agad ko naman din siyang nakita na
