CHARMAINE
“Kayong apat na nga ang umalis sa lugar na ‘to at ako na ang bahala sa lalaking ‘to o kahit pa ilan sila rito na hindi pa nagpapakita sa atin,” tugon sa akin ni Caleb. Inilahad niya ang kanyang kamay pagkatapos niyang tumayo kaya agad ko rin iyon inabot para makatayo na rin ako. Tinulungan na rin namin sina mama at papa na makatayo, kinailangan pang alisin ni Caleb ang mahigpit na pagkakatali ng lubid sa kanilang mga braso sa kani-kanilang likod. Hindi naman kami pinakialamanan nung lalaki kaya nakakilos kami sa mabilis na pamamaraan. “Alam pa naman siguro ni Jayden kung saan kayo nanggaling, o kahit na sina Tita at Tito, sigurado akong mas alam nila ang pasikut-sikot sa bahay na ‘to,” sabi niya bago niya kami itinulak palayo at palapit naman kay Jayden.
Wala na akong ibang nag
