CHARMAINE
Ang kaninang takot ko sa dilim ay bigla na lang din naglaho. Wala ng ibang tumatakbo sa aking isipan kundi ang maaaring kinahinatnan nina mama at papa sa kamay ng lalaking hindi ko naman kilala. Wala rin akong maisip na kahit na anong klase ng dahilan kung paano nila nakilala o nakasalamuha ang lalaki na 'to. Kung kanina ay rumirindi sa tenga ko ang paulit-ulit na pagsigaw nina Caleb at Jayden sa pangalan ko, ngayon naman ay halos hindi ko na sila marinig, sa tutuusin pa nga niyan ay hindi ko na talaga sila marinig pa. Tanging ang sarili ko na lamang ang naririnig ko, at iyon ay ang tunog ng mabilis na paghabol ko sa aking hininga. Kahit pa nawala na nga ang takot ko sa kadiliman ng lugar na 'to, hindi pa rin naman naaalis ang takot ko sa lalaking ito. Nang maisip kong sumigaw p
