CHARMAINE
Isang oras ang tinagal ng bawat pre-test sa iba’t ibang asignatura. Pero ang lahat ng iyon na siyang sinagutan ko ay hindi naman tumagal sa akin ng kahit na kalahating oras. Tanda ko pa rin naman ang lahat ng sagot sa bawat tanong doon, kaso hindi ko rin naman din sigurado kung talaga bang tama ang lahat ng sagot ko. Ayaw kong maging kampante kaya’t hindi pa rin ako nakikipag-usap sa kahit na sino sa mga malapit sa pwesto ko. Hindi pa tapos ang lahat sa pagsasagot ng test kaya ang mga tapos na ay walang magawa kundi ang tumulala o mag-heads down. Subalit, para sa isang katulad ko na nilalamon na talaga ng matinding kyuryosidad sa sinabi ni Jayden terno raw kami ni Caleb, nagkunwari akong bored para hindi nila mahalatang gusto ko lang tingnan si Caleb. No’ng nahanap ko na kung sa
