CHARMAINE
Makalipas ang magulong gabi ay naghahanda na ako muli para sa aking klase ngayong araw. Nakakain na kami ng aming almusal at nakapasok na rin sina mama at papa sa kani-kanilang mga trabaho. Kaya pagkatapos kong kuhanin ang lahat ng gamit na kakailanganin ko para sa school ay minabuti ko nang naisarado ko ang lahat ng kailangang isarado. Sandali na muna akong humarap sa salamin para ayusin ang ilang hibla ng aking maikling buhok bago ako tuluyang lumabas ng pintuan. Huminto muna ako sa tapat ng pinto ng bahay namin para kuhanin ang cellphone kong nakatago sa loob ng aking bulsa. Pagkakuha ko ng cellphone ay dinampot ko na rin ang bagong biling earbuds na galing kay Caleb. Nang maalala kong sa kanya iyon galing ay ilang segundo rin akong napatitig sa katabi naming bahay. Sinubukan
