CHARMAINE
Nang imulat ko ang mga mata ko ay si Jayden agad ang una kong nakita at ang kasunod naman ay sina mama at papa na tulala lang sa pader. Walang reaksyon ang mga mukha nila. Bumangon na ako nang pumasok kaagad sa isipan ko ang lahat ng nangyari kanina. Marahil ay naramdaman ni Jayden ang pagbangon ko kasi napatingin siya sa akin. “Ilang oras akong nakatulog?” tanong ko sa kanya. Medyo madilim pa sa labas at malamig na rin ang simoy ng hangin kumpara kaninang mainit pa. Hindi ako nakabantay sa oras dahil ang mga kaganapan lang ang siyang pinagtutuunan ko ng pansin. Sobrang nakakapanibago ang ganitong klaseng pangyayari, sa kadahilanang hindi ko pa naman ito naranasan kahit na isang beses sa buong buhay ko, ngayon lang. Kaya hindi ko rin talaga maiiwasang mapuno ng pangamba para sa
