CHARMAINE
Wala akong ibang mapagkaabalahan bukod sa panonood kay Jayden na kumain ng kanyang biniling pagkain. Tanging malamig na apple juice lang naman ang mayroon ako, pero dahil nagsinungaling ako sa kanya ay kailangan kong panindigang busog talaga ako. Hindi pa man nakatatapos kumain si Jayden ay nahagip na agad ng mga mata ko ang pagpasok ni Caleb sa canteen. Doon lang din siya dumaan kung saan ang mismong entrance. May iba kasing mga estudyanteng pinipilit ang gusto nila at pwersahang dumaraan sa exit para pumasok sa loob ng canteen, kaya't hindi rin maiwasan ang siksikan. "Psst," patagong tawag ko kay Jayden. Tinakpan ko pa ang labi ko sa gilid, sa bandang pisngi ko, para lang hindi mahalatang mayroon akong sinasabi kay Jayden. "Nand'yan na si Caleb,” bulong ko sa kanya at nung nar
