CHARMAINE
Nakakapanghina man ng loob ang sinabi ni Caleb kanina ay pinilit ko pa rin maging normal ang pakikipag-usap ko at pati na rin ang pagkilos ko no’ng nakabalik na silang dalawa sa aming pwesto sa canteen. Para kasing ang dating sa akin niyon ay kahit pa hindi kami nagpapanggap ni Jayden na mayroong namamagitan sa aming dalawa, ay wala pa rin siyang intensyon o balak na makuha ako. In short, wala siyang gusto sa akin at kahit na kailanman ay hindi niya ako magugustuhan. “Nga pala, Jayden, may nakalimutan akong itanong sa ‘yo kahapon bago umuwi,” ani ko para mayroon kaming mapag-usapan at hindi kami manahimik na lang habang kumakain. Nang bigyan ako ni Jayden ng isang nagtatakang tingin na para bang tinatanong na niya sa akin kung ano iyon ay nagpatuloy na ako sa aking binabalak sab
