CHARMAINE
Baka kung ano pa kasi na naman ang pumasok sa isipan niya kapag hindi ako sa suot niya nakahawak. Inalis ni Jayden ang kamay kong nakakapit sa damit niya sa marahas na pamamaraan kaya’t medyo nasaktan ako, ngunit hindi ko naman iyon ipinahalata sa kanya. “Caleb, umalis ka na.” Utos ko sa kanya.
“Subukan mong umalis dito, Caleb, hindi mo magugustuhan ang mangyayari sa ‘yo sa mga susunod na araw o linggo o buwan o maaaring hanggang sa paglipas ng taon,” pagbabanta ni Jayden habang nakakuyom ang kanyang mga kamao.
“Jayden, ano ba?” malakas na sigaw ko sa kanya na siyang nakapagpatikom sa bibig niya. “Kung sa tingin mo hindi ko kayang maghanap sa kanila mag-isa, edi ikaw na lang ang tumulong sa akin!” Kulang na lang ay magdabog na ako sa galit sa ipinapakita niya ngayon. Okay lang
