CHARMAINE
Pinanood ko ang aming guro na tawagan niya ang iba pa naming mga kaklase gamit lang ang sarili niyang cellphone. Akala ko pa naman ay literal na ipapatawag kami sa mga bahay-bahay namin, tatawagan lang pala niya kami. Kaya pala sabi ni Caleb ay isabay na namin siya sa pagpunta rito kasi wala ngang contact ang mga tauhan ng school sa kanya. Pinaliwanag na lang namin ni Jayden na wala kasi kaming mapagkaabalahan kaya naisipan na naming pumasok na agad. Hindi naman niya kami pinagalitan dahil may karapatan naman kasi kami talaga para gawin iyon. Napansin kong medyo aligaga na si Ma’am Ariela habang paulit-ulit niyang tiningnan ang iisang pahina sa dala-dala niyang notebook. Sa palagay ko ay roon nakalagay ang mga details namin like contact number and address. “May problema po ba, M
