CHARMAINE
Sa pagbabalik-tanaw ko sa mga kaganapan kahapon sa amin ni Caleb ay mayroon ng sumagi sa aking isipan ang kaisa-isahang ideya na may mataas na posibilidad na iyon ang tinutukoy ni Jayden kaninang umaga. “Oh bakit napatigil ka riyan? May naisip ka na ‘no? Nagkasama ba kayo ni Caleb nitong nakaraang araw o sadyang parehas lang talaga kayo ng nagamit kanina?” sunod-sunod na tanong ni Jayden sa akin na para bang hindi na siya makakapaghintay pa sa isasagot ko. Kahit pa wala naman siyang pahintulot ko ay kusa na siyang tumayo at lumapit sa tabi ko, nang mangawit siya ay umupo na siya mismo sa katabi kong bakanteng upuan. Nang magtama naman ang aming mga paningin ay agad niya ako binigyan ng isang nakalolokong ngiti na tila ba ay ang pang-aasar lang talaga ang intensyon niya at hindi
