CHARMAINE
Ilang minuto na muna ang kinailangan naming hintayin para lang matapos i-microwave ang piniling ulam ni Jayden para sa aming dalawa. Nakahiwalay naman ang rice at ang mahal pa ng bawat order ah, halos magkaparehas na ng presyo ng ulam. Kaya kung sakali man na gutom pa rin ako pagkatapos maubos ng kanin ko ay hindi na ako mag-aabalang kumuha pa ng extra rice. Ngunit, agad naman din iyon nawala sa aking isipan dahil hindi naman din iyon ang dapat kong iniintindi. Kahit pa hindi ko naman din sigurado kung mayroon ba talaga akong pera para bayaran ang lahat ng ito, o kung nagbibiro lang ba si Jayden na ako ang magbabayad. Baka kasi mamaya ay siya naman pala ang manglilibre tapos inaasar lang niya ako. Kinuha ko na ang plastic na kutsara’t tinidor at pati na rin ang pagkain kong naka
