CHARMAINE
Kahit pa napagdesisyunan na ni Jayden na bumalik na lang kami sa aming classroom para hindi kami mapagalitan ng aming guro ay tila ba nananadya ang tadhana. Mula sa napakaraming estudyante sa field na nasa gitna ng magkabilang building ay nahagip ng mga mata ko ang kaisa-isahang lalaking sinusbukan naming pagselosin ni Jayden, si Caleb. Narito si Caleb at hindi ako maaaring magkamali dahil kilalang-kilala ko na ang pangangatawan niya at pati na rin ang paraan ng kanyang paglakad, kabisado ko na rin ang itsura ng kanyang mukha at ang istilo ng kanyang buhok. Hindi rin ako maaaring magkamali dahil nakita ko ang kaparehas na earbuds ko na siyang binili niya noon sa mall. Sinundan ko ng tingin ang gawi kung saan ko siya nakita pero habang patagal nang patagal ay hindi ko na siya nat
