"Sissy!" Boses iyon ng kaibigan kong si Dilda na may kasama pang pag-tili nang diretso siyang pumasok sa silid ko.
Napabalikwas tuloy ako ng bangon habang pupungas-pungas. Ang aga naman nitong pumunta. Usapan kasi kaming pupuntahan niya ako ngayong araw rin dahil hindi ako sa kanila nakasama kagabi nang magpunta sila sa club.
Sa pagka-rindi ko sa boses niya ay para bang hindi naging maganda ang gising ko. Hindi na nga maganda ang gabi ko, pati ba naman umaga ko.
"Ba't ang aga mo naman? Usapan natin mga 10 ka magpunta, pero ang aga mo mambulahaw ng diwa," mamaos kong sinabi habang nag-mu-muta pa at kunot ang noong bumangon.
"Anong ang aga-aga ka diyan? Alas diyes na po mahal na prinsesa! Mamutok na ang araw!" Nanlaki naman ang mga mata ko sa sinabi niya.
Agad akong tumingin sa wall clo
