Mariin akong nakapikit habang dinadama ang pagpagaspas ng hangin at malakas na hampas ng alon dito sa tabing dagat kung saan naganap ang espesyal na pag-iisa namin ni Cennon higit isang buwan na nakararaan.
Nagmulat ako kasabay nang pamamangha sa naghahalong kulay dilaw at kahel ng langit habang papalubog ang araw.
Nagpatigil ako sandali rito sa driver para kahit papaano kumalma ang isip ko bago kami umuwi ng bahay. Ngayon na nga rin pala ang uwi nina Mommy at Daddy at problema ko pa kung paano ko ba sasabihing buntis ako.
Kumuha ako ng maliliit na bato sa buhangin at parang batang pinagbababato ang alon na patuloy lang sa paghampas.
"Hi," may biglang nagsalita na boses ng lalaki mula likuran ko dahilan para matigilan ako at mag-angat ng tingin dito.
Isang estranghero.
Hindi ako nags
