Khylle's Pov:
Natulala ako sa narinig at paulit-ulit kong narinig sa isip ko ang sinabi ng police officer.
Kung hindi tumikhim si Detective Joseff ay baka nanatili lang akong tulala habang nakatingin sa officer na may dala ng package ko.
Napatingin ako sa mga kasama ko at ganoon din sila sa akin. Iisa lang ang ekspresyong nasa mga mata namin, lahat ay nagtatanong iyon.
"Nandito ba si Miss Khylle Madrigal?"
Walang sumagot sa amin. Pakiramdam ko ay napipi kaming lahat. Parang iisang taong tumingin kami sa package na dala ng officer.
Nangunot ang noo ng officer at pinasadahan ng tingin ang pangalan ng silid na nakadikit sa may pintuan. Tila sinisiguro n'yang tama ang silid na napuntahan n'ya.
"Ako po iyon." Labag sa loob na itinaas ko ang kamay ko. Sa package na dala n'ya nakatutok ang
