Khylle's Pov:
Nangangalay ang leeg na tumingala ako bago marahang inikot-ikot iyon. Kanina pa ako inaantok pero hindi naman ako makatulog at kung kailan naman na malapit na ang oras ng alis namin ay saka naman gustong pumikit ng mga mata ko.
May limang minutong nakatingala lang ako habang nakapikit. Minamasahe ko din ang mga mata ko dahil nananakit na ang mga iyon.
Matapos ang limang minuto ay muli akong nagmulat ng mga mata at hinarap ang computer. Dalawang araw din kaming naghintay para sa araw na ito at hindi pa din ako tumigil sa paggawa ng mga report.
Muli kong inabala ang sarili ko sa paggawa ng mga report habang masinsinang nag-uusap ang limang lalaki. Naririnig ko naman ang pinag-uusapan nila kaya nagkasya na lang akong gawin ang trabaho ko. Ayoko din namang makigulo sa kanila
