Khylle's Pov:
Hindi ko alam kung ilang beses na akong nagpabalik-balik dito sa hallway. Para akong hindi maihing pusa habang nagpapalakad-lakad. Ngalay at bahagyang nanginginig ang mga binti ko pero hindi ko magawang umupo man lang.
Ilang beses ko na ding inilapat ang tenga ko sa pinto para pakinggan ang kahit ano mula doon pero wala akong narinig kahit na kaunti o kahit nga kaluskos ay wala.
Kabado na ako at mauubos na din ang mga kuko sa daliri ko pero hindi pa lumalabas mula sa silid na iyon ang superior ko.
Ilang oras na ang lumipas mula nang makabalik kami dito sa Ildefonso. May limang oras na yata at pagkarating namin dito sa KST ay agad na ipinatawag ng Chief ng News Department si Captain dito sa opisina.
S'ya lang ang ipinatawag pero nagpumilit akong sumunod dito dahil alam ko
