NAKANGALUMBABA si Prinsesa Phyllis sa mesa ni Prinsesa Gabril. Siya ang ang nakaupo sa swivel chair nito habang ito naman ay abala sa trabaho nito. Abala ito sa pag-asasikaso sa mga pasyente nitong hayop habang ang amo naman ng mga hayop ay kinakausap si Prinsesa Gabril.
"Alam mo, Phy, kanina ko pa talaga napansin." Ani Prinsesa Gabril pagkalabas ng huli nitong kliyente.
"Ano?" Walang ganang tanong ni Prinsesa Phyllis sa kaibigan na umupo sa visitor's chair na nasa harapan ng desk nito.
"Parang wala ka sa sarili mo. Ano bang nangyayari sa 'yo? Ganiyan ka na mula ng tumira ka sa bahay ko. May problema ka ba?"
Napabuntong-hining naman si Phyllis at napaisip kung sasabihin ba niya sa kaibigan ang tungkol kay Reigo o hindi pa. At hayaan na lang niya na ito mismo ang mak
