"DAYNE!" Pagtawag ni Ezekiel sa pangalan ni Dayne ng hindi niya ito makita sa pinag-iwanan niya rito. Malapit na ring dumilim. Kumunot ang nuo ni Ezekiel. Saan naman kaya nagpunta si Dayne?
Napabuntong-hininga si Ezekiel at tinignan ang loob ng kotse. Nakita niyang naroon naman ang bag ng dalaga kaya malamang may pinuntahan lang ito. Napagdesisyunan niyang hintayin na lang ito dahil baka maya-maya lang ay babalik na ito.Sumandal si Ezekiel sa bumper ng sasakyan habang hinihintay ang dalaga pero lumipas ang limang minuto, sampung minuto, tatlumpung minuto, wala pa rin ang dalaga. Nagsimula ng mag-alala si Ezekiel lalo na at madilim na rin ang paligid. Tanging mga lamp post na lang ang nagbibigay ng liwanag sa paligid.Hanggang sa may napasin si Ezekiel. Tumingala siya s
