"PASENSIYA na, Sir, pero dalawang araw ng hindi pumupunta si Miss Dayne dito sa restaurant niya. Si Miss Melissa lang po ang pumupunta dito, eh." Anang waitress na nakausap niya.
Tumango si Ezekiel. "Okay. Thanks."
Napabuntong-hininga si Ezekiel at hindi niya maiwasang hindi magtaka. Hindi sumipot ang dalaga noong gabing sinabi nito na hahapin nila ang lagusan. At bigla na lang itong hindi nagparamdam. Hindi niya maiwasang mag-alala para sa dalaga. Tinatawagan niya ito pero hindi naman nito sinasagot ang mga tawag niya. Pinuntahan na rin niya sa bahay nito pero wala rin ito doon.
"Ezekiel Romanov?"
Kaagad na hinarap ni Ezekiel ang taong tumawag sa pangalan niya. "You're..."
"Ako si Melissa. Ang tagapangalaga ng mga prinsesa dito sa mundo niyo at ako rin ang nakausa
