"Bakit bigla ka yatang nakipagkita?" takang tanong ni Diane sa kaibigan niyang si Serenity.
Marahas na kumamot si Serenity sa kaniyang ulo. "Eh kasi itong si Jasper... iyong kabanata natin, nandito na sa Pinas! Hindi ko nga alam kung paano nakuha iyong number ko dahil tinawagan ako."
Humaba naman ang nguso ni Diane kaya naman tumaas ang kilay ni Serenity. "Ikaw ang nagbigay ng number ko?"
Ngumiwi si Diane. "Eh kasi naman hindi niya mahanap ang social media account mo. Kaya iyon, ako ang kinulit niya. Eh ano bang problema? Bakit parang naiinis ka? Mayaman na iyong baliw na iyon! Nag- stalk ako sa account niya. May sarili ng kompanya at ang daming pinagkakaabalahang negosyo! Ibang klase! Talagang pinanindigan ang sinabi niya noon sa iyo na yayaman siya para pakasalan ka!"
Inirapan ni Se
