“Ikaw pala, Miss. Nabilin na rin sa amin ang pagdating mo. Ikaw nga raw ang magiging tagapag-alaga ng nag-iisang anak ni Sir Rhuel. Pasok ka na, Miss at welcome sa hacienda Malubay.” Pag-welcome sa akin ng isang babae na sa palagay ko ay teenager pa lamang. Mahaba ang kanyang buhok at walang bahid ng kahit na anong pampaganda ang kanyang mukha.
Naalala ko si Kierra na baka nga kaedad niya lang. Hindi nakalalabas ng bahay si Kierra na walang nilalagay sa kanyang mukha.
“Salamat, Miss,” tugon ko naman at saka na pumasok sa loob.
Gaya ng ibang hacienda na napapanood sa tv o nababasa sa kung saang mga kwento ay ganitong-ganito ang itsura.
May malaking gate na bakal sa harap habang ang lupain ay sadyang kay lawak.
“Anne, ang pangalan ko, te. Kasama ko ang nanay ko na nagtatrabaho rito. S
