“‘NAY, payagan na po ninyo ako na mamasukang kasambahay kahit saan dito sa village,” pakiusap ni Zebianna sa kaniyang Nanay Agatha.
“‘Wag matigas ang ulo mo, Zebianna.”
“Bakit po ayaw ninyo? ‘Nay, gusto ko pong makaipon para makapag-aral sa kolehiyo dahil pangarap ko rin naman po na makapagtrabaho ng maayos para hindi na kayo nahihirapan na mamasukan sa—”
“Lahat ng trabaho ay mahirap. Pero ayaw kong magreklamo dahil ito ang bumubuhay sa ating dalawa.”
“Hindi rin naman po ako magrereklamo, ‘Nay. Hayaan na po ninyo ako na kahit paano ay makatulong din sa inyo. ‘Nay, ayaw ko pong nakakulong lang dito sa silid na ito at walang ginagawa. Para po akong bilanggo,” hindi niya napigilan na wika sa ina.
Napatingin si Nanay Agatha sa may pintuan. Pagkuwan ay galit siyang tiningnan. “Ang bunganga
