“A-ANO PO ang sinabi ninyo?” hindi napigilang tanong ni Zebianna kay Azriel.
“Tinamad na akong um-attend sa Acquaintance Party.”
“K-kung ganoon, saan ho kayo pupunta?” Bigla ay kay lakas ng kabog sa kaniyang dibdib dahil sa sinabing iyon ni Azriel.
“Kahit saan.”
Medyo nakagat niya ang ibabang-labi. “Bakit kailangan pa po ninyo akong isama?” aniya nang muli siyang magsalita.
“Zebianna, boring masyado kung mag-isa lang akong gagala ngayong gabi. Isa pa, sayang ang gayak ko kung mauuwi lang sa wala. Ang alam din naman ni mama ay twelve midnight pa ang end ng party tonight.”
Kung ganoon, isasama siya nito sa paggala nito? Kaya ba siya nito pinagbihis? Hindi para isama sa party. Kung ‘di, para isama sa paggala nito.
“Ang paalam ko kay nanay, a-attend ako ng party.”
“Guilty ka ba?”
“‘Yo
