GUSTUHIN man ni Zebianna na tanungin si Azriel kung bakit nagsinungaling ito na kuno ay ipinatatawag siya ng kaniyang ina pero hindi naman niya magawa-gawa. Sa tuwina ay para bang bigla na lamang umuurong ang kaniyang dila kapag nakikita niya si Azriel sa mansiyon.
Nang mga sandaling iyon ay kay lakas na naman ng kabog sa dibdib ni Zebianna habang pinipihit pabukas ang doorknob sa silid ni Shantal Samarro.
Ipinatawag siya nito.
“Ma’am Shantal,” agaw niya sa atensiyon nito na abala sa paglalagay ng kolorete sa mukha sa harap ng vanity mirror nito.
Pabagsak pa nang ipatong ni Shantal sa ibabaw ng vanity mirror ang hawak nitong blush brush. Pagkuwan ay tumingin sa kaniya habang nakaharap pa rin sa salamin. Kita naman ito ni Zebianna na direktang nakatingin sa kaniya ang mga mata nito na a
