KUNG HINDI lang alam ni Zebianna na naghihintay sa kaniya si Azriel ay tiyak na babagalan niya ang kilos. Pero dahil naghihintay ito sa kaniya sa may garahe ng mansiyon, kaya naman may pagmamadali sa kilos niya.
Alam na rin ng kaniyang ina ang lakad nilang iyon ni Azriel dahil nagpaalam siya rito. Kinakabahan lang siya dahil hindi alam ni Shantal ang pag-alis nila ni Azriel. Baka pagalitan siya nito kapag nakauwi na sila.
Nakasakay na sa loob ng kotse si Azriel nang puntahan ito ni Zebianna sa may garahe. Nakabukas na rin ang gate. Kaya naman dumiretso na siya sa may passenger seat kung saan siya nito pinauupo. Ayaw nito na uupo siya sa backseat dahil magmumukha raw niya itong personal driver.
Siya na rin ang agad na nagkabit ng seat belt sa kaniyang katawan. Walang imik na pinaandar na
