CHAPTER 44
Naipanalo namin ang task naming iyon dahil na rin sa lakas, tibay at diskarte ni Paolo. Alam naming lahat na malaking porsyento ang naitulong ni Paolo sa lahat ng task na aming napagtagumpayan.
Dumating ang pang-apat na nomination at isa na naman ang lumabas ngunit buo pa rin kaming apat nina Alex, Jane, Paolo at ako. Hindi na lang ang nomination ang kinatatakutan ko. Ang mga task na ang involve ay mga kasabwat ni Kuya para palabasin ang tunay naming pagkatao at ugali.
Isang task muli ang ibinigay ni Kuya sa amin. Iyon ay ang pag-aalaga sa mga bisita naming matatanda na halos nag-uulyanin na at kung anu-ano na ang mga sinasabi, pinagagawa at tinatanong. Dito ay sinubok ni Kuya ang haba ng aming pasensiya sa pag-alaga ng mga mahina na sa pandinig at makukulit na matatanda. Na
