Chapter 35
Akala ko, simpleng condo lang ang ibibigay sa akin ni Mama Ogie. Iyon pala isang condo na may dalawang kuwarto sa isang sikat na developer sa buong bansa. Hindi pa rin ako makapaniwala sa bilis ng mga pangyayari. Hindi na muna umalis sina Nanang at Tatang hangga’t hindi ako gumagaling nang tuluyan. Ngunit habang gumagaling ang sugat ko, siya namang palalim nang palalim ang sugat na iniwan ni Zeke sa akin. Nang Nawala ang isipin ko tungkol sa aking pagkakakulong, siya namang parang paglala ng sugat sa puso ko. May mga gabing umiiyak pa rin ako. Hindi ko alam kung bakit ganoon na lang kasakit sa akin ang pang-iiwan ni Zeke kahit pa alam kong hindi na siguro niya ako iniisip. Ganito ko pala siya kamahal. Ganito pala katindi ang tama ko sa kanya.
Nakailang tawag na si Nanang para
