CHAPTER 37
Pagdating namin ni Sir Ogie sa venue ng audition ng Pinoy Big Brother ay sobrang dami na nang naroong naabutan naming nakapila. Alas kuwatro pa lang ng madaling araw noon pero napakahaba na ng pila. Doon na ba sila nagsitulog? Noon ko napagtanto na hindi lang ako ang nangangarap mag-artista. Hindi lang ako nakikipagbuno. Hindi talaga ganoon kadaling magkaroon ng pangalan at sa libo-libong nakapila, iilan lang din ang makukuha at sa iilan na iyon, sino lang ba ang sisikat at magkapangalan? Sa dami naming humahangad ay masuwerte na kung mahagip ka ng camera. Nakipagsiksikan ako dahil inihatid lang naman ako ni Mama Ogie sa venue. Hindi na nga siya bumaba eh kaya diskarte ko na rin kung paanong makaabante. Nang sa tingin ko ay sagad na at wala na akong aabantehan pa ay naupo na la
