Chapter 9
“Hi,” buo at lalaking-lalaki ang boses ni Zeke.
Napalunok ako.
Hindi ako makasagot. Mabilis kong tinanggal ang kamay niya sa aking baywang at humarap ako sa kanya.
“I’m Zeke, Zeke Lopez,” pagpapakilala niya.
Kumunot ang noo ko. Hindi ko aakalaing magpapakilala siya sa akin. Kanina nga halos hindi niya ako gustong tignan pero ngayon, grabe na yung lagkit ng tingin niya sa akin. Hindi ba niya ako namumukhaan? Hindi nakikilala?
“Miss? Okey ka lang?” tanong niyang muli.
“Oh God! Ang guwapo niya!” siyempre sa sarili ko lang iyon. Sa isip ko lang.
“Okey lang… okey lang ako,” sagot ko. Nilakasan ko ang loob ko. Hindi ako dapat magpahalatang patay na patay ako sa kanya.
“Can I have your name, Miss?”
“Kai, Kai Samonte po ang pangalan ni Ma’am,” singit ni Diane.
Nilingon ko si D
