CHAPTER 39
Isang araw bago ang launch ng show, sinadya kong dalawin si Cindy para magpasalamat sa pagtulong niya sa akin nang binugbog ako na muntik kong ikinamatay. Nagulat ako nang sinabihan akong wala doong nakakulong na Cindy.
“Paano hong wala eh siya ang nagligtas sa akin noong pinagtulungan akong bugbugin chief?”
“Sandali ha, tawagin natin yung jail guard doon sa selda ninyo noon para matanong natin siya. Alam ko, walang Cindy doon. Kahit ditto sa listahan oh, walang Cindy sa sinasabi mong cell number.”
“Tawagin ho ninyo yung jail guard namin noon, chief. May dala kasi akong pagkain at damit para sa kaibigan ko bilang pasasalamat sa pagtulong niya sa akin noon.”
“Sandali ha, ipatatawag ko.”
Dumating ang jail guard. Nakilala pa niya ako at natutuwang makita ako na may malaking
