NAGMAMADALI SI Neo na pumunta sa ospital dahil tumawag si Aidan sa kaniya. Naaksidente nga raw si Riley kaya dinala sa emergency room. Hindi nito sinabi kung ano ang nangyari.
Tumunog ang kaniyang cellphone at nang makitang si Dash ang tumatawag ay kaagad niya iyong sinagot. "Nandito na ako sa labas. Papasok na ako ng emergency room."
"Sige. Papunta na rin kami," anito saka pinatay ang tawag. Kaagad niyang hinanap si Aidan. May mga press at media sa labas ng ospital. Mabuti na lang at mahigpit ang security sa ospital.
"Sir, pasensya na. Off limit po tayo sa loob," pigil ng isang lalaking nakauniporme.
"Kaibigan ako ni Aidan at Gian, pati si Riley na dinala rito, sir."
"Pasensya na po talaga—"
"Sige, sir. Padaanin ninyo siya," wika ng manager ni Aidan. Ngumiti ito sa kaniya. "Nandoon
