ALAS-KWATRO NG hapon nang mag-decide si Riley na magpunta sa supermarket. Magluluto siya ng Chicken Gangnam para sa dinner nila mamaya. Nag-chat siya sa group chat nila upang ipaalam na wala siya sa condo. Si Neo lang ang naiwan doon.
Ni-like ni Dash ang chat niya habang si Neo, sinabihan siyang mag-ingat. Napanguso siya. Kung okay siguro sila ni Dash, baka sumunod na naman iyon at sinamahan siya.
Tinulak niya ang cart at nagsimula siyang mamili. Gumawa siya kanina ng listahan kung ano-ano ang dapat na bilhin niya sa supermarket. Hindi niya sigurado kung gaano siya katagal namili. Nag-enjoy kasi siya sa pagtingin-tingin.
Pagkaraang magbayad, nilagay niya ang mga napamili sa cart at tinulak iyon palabas ng mall. Wala siyang dalang sasakyan. Kapag ganitong sa supermarket lang siya pupunta
